اب بغیر اجازت نامہ عمرہ کرنے پر بھاری جرمانہ عائد

0
336

ریاض: سعودی حکام نے بغیر اجازت عمرہ کرنے والوں پر بھاری جرمانے عائد کردیے، حکام کا کہنا ہے کہ کووڈ ویکسین کی دونوں خوراکوں کے بغیر اجازت نامے نہیں ملیں گے۔

سعودی ویب سائٹ کے مطابق پبلک سیکیورٹی حکام نے واضح کیا ہے کہ بغیر اجازت نامے حرم شریف میں داخل ہونے والوں پر جرمانہ عائد کیا جائے گا، بغیر اجازت نامہ عمرہ کرتے ہوئے پکڑے جانے پر 10 ہزار ریال جرمانہ ہوگا۔

یاد رہے کہ عمرہ، نماز اور زیارت کی تدریجی بحالی کے بعد سے اب تک ایک کروڑ زائرین کو حاضری کا موقع فراہم کیا گیا ہے۔ نئے اسلامی آغاز سے مختلف ملکوں کے زائرین کو 12 ہزار سے زائد عمرہ ویزے جاری کیے جا چکے ہیں۔

سعودی حکام کے مطابق اس وقت ہر روز 8 شفٹوں میں 70 ہزار عمرہ زائرین کی گنجائش رکھی گئی ہے۔

حکام کا کہنا ہے کہ عمرہ، مسجد الحرام میں نماز اور مسجد نبوی ﷺ کی زیارت کے خواہش مند ویکسین کی دونوں خوراکیں لگوائیں، اس کے بغیر اجازت نامے نہیں ملیں گے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں