کراچی: ترجمان پاک بحریہ کے مطابق پاک بحریہ کے آفیسرز، سی پی اوز/سیلرز اور سویلینز کو عسکری ایوارڈز تفویض کرنے کی تقریب ہوئی۔
تقریب میں چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے۔ تقریب میں 9 افسران کو ستارہ امتیاز (ملٹری) اور 20 افسران کو تمغہ امتیاز (ملٹری) تفویض کیا گیا۔ 11 افسران اور سیلرز کو ان کی جرأت و بہادری کے اعتراف میں تمغہ بسالت سے نوازا گیا۔ تقریب میں 3 افسران کو امتیازی اسناد سے نوازا گیا۔
116 چیف پیٹی آفیسرز اور سیلرز کو تمغہ خدمت (ملٹری) کلاس II, l اور III تفویض کیے گئے۔ 99 آفیسرز، چیف پیٹی آفیسرز/سیلرز اور سویلینز کو چیف آف دی نیول اسٹاف کی جانب سے ستاٸشی خطوط سے بھی نوازا گیا ہے۔